“BakuBus” MMC-yə məxsus avtobuslarda aprel ayında tapılan sənəd və əşyalar

12.05.2020

“BakuBus” MMC-yə məxsus avtobuslarda sərnişinlər tərəfindən unudulan (itirilən) 8 ədəd çanta, 5 ədəd pulqabı, 1 ədəd sənədqabı və 1 ədəd mobil telefon aprel ayı ərzində sahiblərinə təhvil verilib. 

Eyni zamanda, aprel ayında avtobuslarda tapılan 9  nəfərə məxsus şəxsiyyət vəsiqəsi, 1 nəfərə məxsus dövlət sosial sığorta şəhadətnaməsi, iş kartı və könüllü tibbi sığorta kartı sahiblərinə çatdırılması  üçün “Poçtap” xidmətinə təqdim olunub. 

Həmçinin, 2 ədəd pulqabı, 2 ədəd qovluq, 2 ədəd bank  kartı, 1 ədəd çanta, 1 ədəd bijuteriya sırğa və 1 ədəd açar Bakı Şəhər Baş  Polis İdarəsinə təhvil verilib.

Sahibləri məlum olmayan, içərisində əsasən geyim olan çantalar  və digər əşyalar isə “BakuBus” MMC-də saxlanılır. Vətəndaşlar şəxsiyyəti təsdiq  edən sənədi təqdim etməklə, özlərinə məxsus əşyaları 3 ay müddətində “BakuBus”MMC-dən təhvil ala bilərlər. 

Qeyd edək ki, sərnişinlər avtobuslarda unutduqları(itirdikləri) sənəd və əşyaların “BakuBus” MMC-yə daxil olub-olmaması barədə www.alo141.az saytından məlumat əldə edə bilərlər. “BakuBus” MMC-yə  məxsus avtobuslarda tapılan sənədlərlə əşyaların şəkilləri və müvafiq məlumatlar saytda “İtirilən və tapılan əşyalar” bölməsində yerləşdirilir. 

Onu da qeyd edək ki, “BakuBus” MMC avtobuslarda  sərnişinlər tərəfindən unudulan (itirilən) sənəd və əşyalara görə məsuliyyət  daşımır.