“BakuBus” MMC-yə məxsus avtobuslarda may ayında tapılan sənəd və əşyalar

11.06.2020

“BakuBus” MMC-yə məxsus  avtobuslarda sərnişinlər tərəfindən unudulan (itirilən) 9 ədəd çanta,  3 ədəd mobil telefon, 2 ədəd pulqabı, 1 ədəd qovluq, 1 ədəd açar və 1 nəfərə məxsus əmək kitabçası may ayı ərzində sahiblərinə təhvil  verilib. 

Eyni zamanda, may ayında avtobuslarda tapılan 4 nəfərə  məxsus şəxsiyyət vəsiqəsi və 1 nəfərə məxsus iş kartı sahiblərinə çatdırılması  üçün “Poçtap” xidmətinə təqdim olunub. 

Həmçinin, 9 ədəd açar, 6 ədəd müxtəlif kart, 4 ədəd  pulqabı, 3 ədəd çanta, 2 ədəd mobil telefon, 2 ədəd qovluq, 1 ədəd sənədqabı, 1  ədəd bloknot, 1 ədəd pult, 1 ədəd eynək və 1 ədəd qayçı Bakı Şəhər Baş Polis İdarəsinə təhvil verilib.

Sahibləri məlum olmayan, içərisində əsasən geyim  olan  çantalar və digər əşyalar isə “BakuBus” MMC-də saxlanılır. Vətəndaşlar  şəxsiyyəti  təsdiq edən sənədi təqdim etməklə, özlərinə məxsus əşyaları 3 ay müddətində “BakuBus” MMC-dən təhvil ala bilərlər. 

Qeyd edək ki, sərnişinlər avtobuslarda unutduqları  (itirdikləri) sənəd və əşyaların “BakuBus” MMC-yə daxil olub-olmaması barədə www.alo141.az saytından məlumat əldə edə bilərlər. “BakuBus” MMC-yə məxsus avtobuslarda tapılan sənədlərlə əşyaların şəkilləri və müvafiq məlumatlar saytda “İtirilən və tapılan əşyalar” bölməsində yerləşdirilir. 

Onu da qeyd edək ki, “BakuBus” MMC avtobuslarda  sərnişinlər tərəfindən unudulan (itirilən) sənəd və əşyalara görə məsuliyyət  daşımır.