“BakuBus” MMC-yə məxsus avtobuslarda iyul ayında tapılan sənəd və əşyalar

“BakuBus” MMC-yə məxsus  avtobuslarda sərnişinlər tərəfindən unudulan (itirilən) 9 ədəd çanta, 4 ədəd pulqabı, 2 nəfərə məxsus şəxsiyyət vəsiqəsi, 2 ədəd mobil telefon, 2 ədəd qovluq və 1 ədəd eynək iyul  ayı ərzində sahiblərinə təhvil verilib. 

Eyni zamanda, iyul ayında avtobuslarda tapılan 8 nəfərə məxsus şəxsiyyət vəsiqəsi, 1 nəfərə məxsus əlillik vəsiqəsi, 1 nəfərə  məxsus dövlət sosial sığorta şəhadətnaməsi və 1 nəfərə məxsus iş vəsiqəsi sahiblərinə  çatdırılması üçün “Poçtap” xidmətinə təqdim olunub. 

Həmçinin, 7 ədəd açar, 3 ədəd pulqabı, 1 ədəd mobil telefon, 1 ədəd inqalyator, 1 ədəd pult, 1 ədəd eynək, 1 nəfərə məxsus bank  kartı və 1 nəfərə məxsus arayış Bakı Şəhər Baş Polis İdarəsinə təhvil verilib.

Sahibləri məlum olmayan, içərisində əsasən geyim olan  çantalar və digər əşyalar isə “BakuBus” MMC-də saxlanılır. Vətəndaşlar  şəxsiyyəti təsdiq edən sənədi təqdim etməklə, özlərinə məxsus əşyaları 3 ay müddətində “BakuBus” MMC-dən təhvil ala bilərlər. 

Qeyd edək ki, sərnişinlər avtobuslarda unutduqları (itirdikləri) sənəd və əşyaların “BakuBus” MMC-yə daxil olub-olmaması barədə www.alo141.az  saytından məlumat əldə edə bilərlər. “BakuBus” MMC-yə  məxsus avtobuslarda tapılan sənədlərlə əşyaların şəkilləri və müvafiq  məlumatlar saytda “İtirilən və tapılan əşyalar” bölməsində yerləşdirilir.